香港新浪網 MySinaBlog
« 上一篇 | 下一篇 »
岸仔 | 8th Jan 2011 | 時事短打 聲音網誌 | (184 Reads)

 

雷曼苦主在銀行的研討會上直踩胡孟青場,非常利害。

http://www.youtube.com/watch?v=5JP2FiZgktA

http://www.youtube.com/watch?v=ByEoxR-xJtg

 

http://www.youtube.com/watch?v=jnlD1dlihFA

 

新報  (發行量 / 接觸人次: 80,000) 2011-01-08

字數: 793 字
   
青姐被雷曼苦主迫下台   

老人家話「禍從口出」,糖糖真係信到十足,有股壇「小辣椒」之稱嘅獨立股評人胡孟青,相信經過噚日被柴台一役,應該體會到慎言嘅重要性。

事緣青姐噚日出席由東亞銀行(0023)主辦的經濟研討會時,上台開腔無耐,台下一批雷曼苦主即時噓聲四起,仲大聲廣播佛經,企圖蓋過青姐聲線,搞到青姐好無癮,但呢位股壇「小辣椒」點會咁易屈服呢,佢話題一轉,義正詞嚴直斥擾亂會場跌序嘅人,話係非常缺德,此言論一出,即時激起民憤,將台下苦主情緒推到頂點。呢個時候,除咗有位女士繼續高聲辱罵青姐外,亦有其他女士開始聲援,大鬧青姐屋企開山草藥舖,噏得就噏,講錯嘢完全唔駛負責任……。而最令糖糖感到一絕嘅係,有位男士扮攝記,借機走到台前扮影相,然後變臉指着青姐嚟鬧,令在場人士為之錯愕。

見 慣大場面嘅青姐,繼續同台下撐到衡,佢話「所謂有輸有贏,贏得起就要輸得起……我係97年都輸過錢啦……與其去搗亂,倒不如做其他嘢!」喺呢個時候,主人 家東亞副行政總裁兼投資總監李繼昌Samson,終於等唔切毫無危機感嘅公關,親自走上台請青姐落台迴避迴避,以免最終變成流血暴力事件。

青姐唔認輸睇至散場

上咗台唔夠8分鐘嘅青姐就被迫落台,但大家勿以為佢會極速離場,相反,青姐本住輸人唔輸陣精神,依然繼續坐喺台下作無聲抗議,擺到明唔怕示威者惡言相向咁話。

苦主們喺會場上大播佛經,可能係想點化青姐因果報應之說。其實青姐同雷曼苦主之間積怨,始於青姐一次失言所致。係舊年一個電視台節目中,青姐與另一位主持人討論證監會行政總裁韋奕禮離任消息時,突然講到興起,話可能係班兩百蚊Per Head(每日計)嘅職業Fans,日日喺韋奕禮樓下又鈴鈴喳喳、又紙紮公仔咁,迫到韋奕禮癲而辭職。言論引起雷曼苦主大聯盟強烈不滿,約三十幾人衝到電視台喺中環嘅直播室抗議,要求青姐收番有關言論並作出道歉。今次雷曼苦主衝着青姐而嚟,當然要鬧個夠,睇嚟青姐仲有排先至擺得平呢單嘢,唔知會唔會影響到青姐日後開騷揾真銀機會?糖糖

 

 

這些苦主我都見過,幫他們講解過有關法規,係真苦主。

 http://wongonyin.mysinablog.com/index.php?op=ViewArticle&articleId=2759690